होली पर्वमा सप्तरीमा बिशेष सुरक्षा योजना : ५२३ प्रहरी परिचालन

गामघर डेस्क

राजविराज । सप्तरी प्रहरीले होली पर्व २०८१ को लागि बिशेष सुरक्षा योजना सार्वजनिक गरेको छ ।
जिल्ला प्रहरी कार्यालय सप्तरीमा मङ्गलबार पत्रकार सम्मेलन गरि सप्तरी प्रहरीले उक्त बिशेष सुरक्षा योजना सार्वजनिक गरेको हो ।
सुरक्षा योजना सार्वजनिक गर्दै जिल्ला प्रहरी कार्यालय सप्तरीका प्रहरी प्रमुख एसपी ढकेन्द्र खतिवडाले कुनै पनि किसिमको निषेधित र उच्छृङ्खल गतिविधि हुन नदिन सुरक्षा याेजना बनाइएको जानकारी दिनुभयो ।
उहाँका अनुसार माेटरसाइकलमा २ जना भन्दा बढी चढ्न नदिने तथा मादक पदार्थ र नशालु पदार्थ सेवन गरेकालाई सबारी चलाउन नदिने बताउनुभयो ।
होली पर्वका दिन कुनै पनि घटना भएमा त्यसको तत्काल रिस्पोन्स गरि सशंकित व्यक्तिहरूलाई नियन्त्रणमा लिने र घाइतेलाई उद्धार गरि अस्पताल पुर्याउने प्रहरीको विशेष सुरक्षा योजनामा उल्लेख छ ।
यस्तै जवर्जस्ती रंग दल्ने, लोला हान्ने, मादक पदार्थ सेवन गरि हो हल्ला तथा ट्राफिक नियमको उल्लंघन गरि सवारी चलाउनेलाई कानुन बमोजिम कार्वाही गरिने प्रहरीले जनाएको छ ।
होलीका दिन ५२३ जना प्रहरी खटाइने सप्तरीका प्रहरी प्रमुख एसपी खतिवडाले जानकारी दिनुभयो । स्मरण रहाेस हाेलिमा बर्सेनि सप्तरी जिल्लामा बढदाे सबारि दुर्घटना लगायतका घटनाहरु घटने गरेका छन ।

प्रकाशित मिति: २०२५-०३-११ , समय : १७:१५:१३ , 4 weeks अगाडि