झण्डै ३ कट्ठामा लगाइएको अफिम खेती नष्ट : भारतीय माछाकाे खुलेआम तस्करी

गामघर डेस्क

जनकपुरधाम । मधेस प्रदेशको बारामा अवैधरूपमा लगाइएको अफिम खेती प्रहरीले नष्ट गरेको छ ।आदर्शकोतवाल गाउँपालिका-५ स्थित टेडाकट्टीमा करिब ३ कट्ठामा लगाइएको अफिम खेती फडानी गरेर नष्ट गरिएको प्रहरीले जनाएको छ ।बारा प्रहरीका अनुसार अवैधरूपमा तीन कट्ठामा लगाइएको करिब ३० हजार अफिमको बोट फडानी गरेर नष्ट गरिएको हो ।
स्थानीयले लुकाइ छिपाइ अफिम खेती गरेको सूचनाका आधारमा इलाका प्रहरी कार्यालय बारागढी र इलाका प्रहरी कार्यालय महेन्द्र आदर्शजयनगरबाट खटिएको प्रहरीको संयुक्त टोलीले ८ स्थानमा लगाइएको अफिम फडानी गरेको जनाएको छ ।
यस्तै मधेस प्रदेशको बारा जिल्लाका नाकाबाट भारतीय माछाकाे व्यापक तस्करी भैरहेको छ । मरेका भारतीय माछा खुलेयाम तस्करी भैरहेको छ । सशस्त्र प्रहरीकाे सेटिङमा यसरी तस्करी भैरहेको माछा भने नेपालकाे उत्पादन भनेर बरियारपुरकाे बिल काटेर अन्यत्र पठाउने गरिएको छ । तर उक्त माछा नेपालमा उत्पादन नभएर भारतबाट तस्करी हुदै आइरहेको छ ।

प्रकाशित मिति: २०२५-०३-११ , समय : ०९:२८:१२ , 4 weeks अगाडि