अर्काको नागरिकतामा आफ्नो फोटो टाँसेर बैंकमा खाता खाेल्ने दुई जना युवक पक्राउ

गामघर डेस्क

राजविराज । सप्तरीमा अर्काको नागरिकतामा आफ्नो फोटो टाँसेर बैंकमा खाता खाेल्ने दुई जना युवकलाई प्रहरीले पक्राउ गरेका छन् ।

पक्राउ पर्नेमा सप्तरीको सदरमुकाम राजविराज नगरपालिका वडा न. ५ बस्ने २८ बर्षका अभिषेक यादव र २० बर्षका अरुण कुमार यादव छन् ।

असार २०८० मा एक जनाको नागरिकता हराएको थियो । ती नागरिकतामा अभिषेकले अरूणकाे फाेटाे टाँसी विराटनगरस्थित सिटिजन्स बैंकमा खाता खाेलेका थिए । बैंकमा खाता खाेली अन्य व्यक्तिहरूबाट लाखौंको रकम ठगी गरिरहेकाे पाइएको अवस्थामा दुबै जनालाई पक्राउ गरिएको जिल्ला प्रहरी कार्यालय सप्तरीका प्रमुख एसपी ढकेन्द्र खतिवडाले जानकारी दिनुभयो ।

उहाका अनुसार नागरिकता सम्बन्धी कसुर र ठगीमा जाहेरी प्राप्त हुनासाथ दुबैलाई पक्राउ गरिएको हो ।

यता पक्राउ परेकालाई शुक्रबार पत्रकार सम्मेलन गरि सार्वजनिक गर्दै प्रहरीले अदालतबाट म्याद थप गरि अन्य अनुसन्धान गरिरहेको जनाएको छ ।

प्रकाशित मिति: २०२५-०३-०७ , समय : ११:५८:०७ , 4 weeks अगाडि