विद्यालयभित्रै बालिकामाथि बाल यौन दुरुपयोग गरेको आरोपमा सप्तरीबाट शिक्षक पक्राउ
मिति: २०२५-०३-०६ , समय : १५:३९:११ , गामघर डेस्क
फायल फाेटाे
गामघर डेस्क
राजविराज । विद्यालयभित्रै बालिकामाथि बाल यौन दुरुपयोग गरेको आरोपमा सप्तरीमा शिक्षक पक्राउ परेका छन् । पक्राउ पर्नेमा मधेस प्रदेशको धनुषा सवैला नगरपालिका वडा न.१२ घर भई हाल सप्तरीकाे सप्तकोशी नगरपालिका वडा न.२ बस्ने ३३ वर्षीय रमेशकुमार राउत रहेका छन् ।
जिल्ला प्रहरी कार्यालय सप्तरीका प्रहरी प्रमुख ढकेन्द्र खतिवडाका अनुसार उनलाई दुई दिनअघि सप्तकोशी नगरपालिका वडा न.२ स्थित गौवर्द्धन बैरागी जनता माविबाट पक्राउ गरिएको हो । उनले सोही दिन बिहान ८ बजे १६ वर्षीया नाबालिका ‘कञ्चनपुर २०८१र८२’लाई बाल यौन दुरुपयोग गरेको उजुरी परेको थियो ।
राउत सो विद्यालयमा कम्युटर शिक्षक हुन् । उनले बालिकामाथि यौन दुरुपयोग गरेको जानकारी पाएपछि पक्राउ गर्न इलाका प्रहरी कार्यालय कञ्चनपुरको टोली विद्यालयमा पुगेको थियो ।
प्रकाशित मिति: २०२५-०३-०६ , समय : १५:३९:११ , 1 month अगाडि
