मधेस प्रदेश स्थित मधेश शहीद प्रतिष्ठानका सदस्य मधेश भवन भित्रै मृत फेला

गामघर डेस्क

जनकपुरधाम । मधेस प्रदेश स्थित मधेश शहीद प्रतिष्ठानका सदस्य राम नरेश राय मधेश भवनभित्रै मृत फेला परेका छन् । सदस्य राम नरेश राय आज बिहान आफ्नै ओछ्यानमा मृत फेला परेका हुन् ।

जिल्ला प्रहरी कार्यालय धनुषाका प्रहरी उपरीक्षक भुवनेश्वर तिवारीका अनुसार बिहान ७ बजे आफ्नै ओछ्यानमा यादव मृत फेला परेका हुन् । उनले त्यहाँ बान्ता गरेको भेटिएको छ । मृत्युको कारण भने खुल्न नसकेको उनले बताए ।

शव बिहानै पोस्टमार्टमको लागि प्रादेशिक अस्पताल जनकपुरमा लगिएको छ । घटना बारेमा थप अनुसन्धान भइरहेको र पोस्टमार्टम रिपोर्टपश्चात उनको मृत्युको कारण खुल्ने प्रहरीले जनाएको छ ।

प्रकाशित मिति: २०२५-०३-०४ , समय : १२:२६:०२ , 1 month अगाडि