सप्तरीकाे हनुमाननगरमा मोटरसाईकल दुर्घटना हुदा खातुनको मृत्यु

गामघर डेस्क

राजविराज । सप्तरीमा भएको मोटरसाईकल दुर्घटनामा परी एक जना महिलाको मृत्यु भएको छ।

सप्तरीको हनुमाननगर कंकालिनी नगरपालिका वडा न.१ स्थित भित्री सडकमा अनटेष्ट मोटरसाइकल दुर्घटनामा परी सुनसरीकाे कोशी गाउँपालिका वडा न.६ कुम्याहीका ५० वर्षीया बतुल खातुनको मृत्यु भएको हो।

यता भलुवाबाट कंकालिनी मंन्दिरतर्फ आउँदै गरेको दुर्घटनामा गम्भीर घाइते भएकी उनको सुनसरीको कोशी न्यूरो अस्पताल इनरूवामा उपचारको क्रममा मृत्यु भएको प्रहरीले जनाएको छ। साे घटनाको थप अनुसन्धान भइरहेको सप्तरी प्रहरीले जनाएको छ ।

प्रकाशित मिति: २०२५-०३-०१ , समय : १७:२८:०३ , 1 month अगाडि