सप्तरीमा जनतासँग माओवादी तराई मधेश जागरण अभियानको तयारी बैठक

गामघर डेस्क

राजविराज ।
नेकपा (माओवादी केन्द्र)का उपमहासचिव तथा मधेस प्रदेस ईन्चार्य मातुकाप्रसाद यादवको अध्यक्षतामा जनतासँग माओवादी तराई मधेश जागरण अभियानको तयारी बैठक सम्पन्न भएको छ । ईन्चार्ज यादवको अध्यक्षतामा जनतासँग माओवादी तराई मधेश जागरण अभियानको तयारी बैठक सोमवार विभिन्न निर्णय गर्दै सम्पन्न भएको हो । उहाँका अनुसार फागुन १५ गते साँझ कोशी ब्यारेजमा स्वागत गर्ने ,हनुमाननगरमा रात्री खाना र विश्राम, फागुन १६ गते विहान मर्निवाक र विहानको चिया,नास्ता ,मन्सापुर/तोपामा कोण सभा,झल्ही नहर चौकमा स्वागत,राजविराजमा अन्तरक्रिया ,राजविराजमा जनयुद्घ पार्क शिलान्यास,छपकी भथौलमा ईन्द्रदेव विश्वाश (आईडी)को स्मारक अनावरण,कोण सभा, र दिनको खाना,बनौली⁄बोदेबर्साईन मा खवरदारी सभा, चनही चोकमा विदाई लगायतको कार्यक्रम रहेको बताउनु भयो । उहाँले जनताले संघर्षमार्फत प्राप्त गरेका राजनीतिकको रक्षा र कार्यान्वयनका लागि आफ्नो पार्टीले उत्पीडित समुदायको पक्षमा संघर्ष गर्ने बताउनुभएको छ ।उहाँले जनताले प्राप्त गरेका हक,अधिकारलाई ओली गठबन्नको सरकारले खोस्ने प्रयास भइरहेको बताउनुहुदै जनतालाई संगठित र पार्टीका नेता,कार्यकर्तालाई एकताबद्व भएर अघि बढ्नका लागि आग्रह समेत गर्नु भयो ।यो अभियान जनतासँगको अन्तरसंवादको अभियान भएकोले यसको दीर्घकालीन महत्व रहेको बताउनुहुदै पार्टीमा देखिएको विभिन्न खाले समस्याको बसेर हल गर्ने प्रतिबद्धता व्यक्त गर्नुभयो ।
सो अवसरमा प्रदेस सह–ईन्चार्य बिश्वनाथ साह,पार्टीका के.स.अशोक मण्डल,उमेशकुमार यादव,रुवी कर्ण,सुर्यनाथ यादव,बैं.स.असर्फी सदा,अरुण साह,सल्लाहकारहरु ज.ब.स. मोर्चाका केन्द्रीय सदस्यहरु , अध्यक्ष, उपाध्यक्ष ,सचीव, गापा / नपाका निर्वाचित प्रमुख , उपाध्यक्ष ,वाडाध्यक्षहरु लगायतको उपस्थिति रहेको थियो ।

प्रकाशित मिति: २०२५-०२-२४ , समय : २०:१४:१८ , 1 month अगाडि