नेकपा माओवादीले आजदेखि तराई मधेश केन्द्रित जागरण अभियान शुरू गर्दै

गामघर डेस्क

काठमाण्डाै । नेकपा माओवादी केन्द्रले आजदेखि तराई/मधेश जागरण अभियान शुरू गर्दै छ । झापाको कचनकवल गाउँपालिकाको बनियानीमा आज अभियान उद्घाटन हुने र आउँदो चैत ७ गते कञ्चनपुर पुगेर समापन हुने नेकपा माओवादी केन्द्रले जनाएको छ ।

अभियानका लागि माओवादी केन्द्रका अध्यक्ष पुष्पकमल दाहाल प्रचण्डसहितका नेता–कार्यकर्ताहरू झापा पुगिसकेका छन् । यो अभियान हुलाकी मार्ग केन्द्रित हुने माओवादी केन्द्रका महासचिव देव गुरुङले बताउनुभयो । अभियानको अवधिभर शहीद, बेपत्ता, घाइते अपाङ्ग परिवारसहितका पार्टीका कार्यकर्ता र नागरिकसँग भेटघाट, अन्तरक्रिया एवम् जनसभा गर्ने उहाँको भनाइ छ ।

नागरिक–माओवादी केन्द्रबीच सम्बन्ध सुधार गर्ने र सरकारका गलत कामको विरुद्ध सँगै अघि बढ्ने उद्देश्यले अभियान सञ्चालन गर्न लागेको माओवादीले जनाएको छ । प्रवास एशियामा रहेका देशहरूमा कार्यरत नेपालीलाई सङ्गठित गर्न अभियान चलाउने तयारी भएको हो ।

समाजवादी गणतन्त्र निर्माणमा प्रवासी मजदूरको ऐक्यबद्धता, सामाजिक सुरक्षासहित उनीहरूको हकहितका निम्ति जनप्रगतिशील मञ्चको प्रतिबद्धता भन्ने नाराका साथ आजदेखि अभियान सञ्चालन हुँदैछ । उज्यालो

प्रकाशित मिति: २०२५-०२-२४ , समय : १४:५७:१८ , 1 month अगाडि