दुर्घटनामा कुम्भबाट फर्किदैं गरेका सप्तरी र सुनसरीका चार जनाको मृत्यु

शुभ नारायण यादब

राजविराज । कुम्भ स्नान गरी फर्किदैं गरेका सप्तरीका तीनसहित चार जनाको सडक दुर्घटनामा परी मृत्युु भएको छ ।
सप्तरीको कंचनरुप नगरपालिका वडा न. ५ का १ जना तथा वडा नम्बर ७ का २ तथा सुनसरीको मधुवन निवासी एक महिलाको मृत्युु भएको हो ।
भारतको यूपी राज्य अन्तर्गत गोरखपुरमा सप्तरीका श्रद्धालु सबार स्करपियो ट्याक्टरसँग ठोक्किएको हो । दुर्घटनामा उनीहरुको घट्नास्थलमै मृत्यु भएको कंचनरुप नगरपालिका वडा नम्बर ७ का वडाअध्यक्ष श्यामानन्द चौधरीले जानकारी दिनुभयो ।
उहाका अनुसार वडा नम्बर ७ का अन्दाजी ६३ बर्षीय पर्शुराम चौधरी, उपेन्द्रनारायण चौधरीकी अन्दाजी ६२ बर्षीया पत्नी लीलाबती देवी र कंचनरुप वडा नम्बर ५ का ५५ बर्षीया हरिहरदेवी यादव तथा नाम खुल्न नसकेका सुनसरीको मधुवनको एक महिलाको निधन भएको छ ।
साे दुर्घटनामा कंचनरुप नगरपालिका वडा न. ७ का उपेन्द्रनारायण चौधरी गम्भीर घाइते भएका छन् ।
वडा अध्यक्ष चौधरीले शव ल्याउन दुई वटा एम्बुलेन्स घट्नास्थलतर्फ गइसकेको बताउनुभयो ।

प्रकाशित मिति: २०२५-०२-२२ , समय : १२:०५:५१ , 1 month अगाडि