१३ वर्षीया बालिकामाथि सामूहिक बलात्कार, दुईजना पक्राउ

गामघर डेस्क

काठमाडौं । कैलालीमा १३ वर्षीया बालिकामाथि फेरि सामूहिक बलात्कार भएको छ ।जिल्लाको मोहन्याल घर भएर बर्दगोरिया गाउँपालिका–२ को झगडपुरमा डेरा गरि बस्ने १३ वर्षीया बालिकामाथि शनिबार सामूहिक बलात्कार भएको हो ।बालिकामाथि सामूहिक रुपमा जबरजस्तीकरणी गरेको आरोपमा दुई जनालाई पक्राउ गरिएको जिल्ला प्रहरी कार्यालय कैलालीले जनाएको छ । पक्राउ पर्नेमा बर्दगोरिया गाउँपालिका–३ बस्ने ४४ वर्षीय गोपाल बिक र सोही ठाउँ बस्ने १६ वर्षीय किशोर रहेका छन् ।
प्रहरीकाअनुुसार स्थानीय विद्यालयमा कक्षा ४ मा अध्ययन गर्ने उनलाई गोपाल बिकले मासु पकाएर ल्याइदिनु भन्दै दिएका थिए ।
मासु पकाएर बिकलाई दिन उनको पसलमा पुगेका बेला पसलको कोठामा लगेर दुवै जनाले जबरजस्तीकरणी गरेको आरोप छ । उनीहरुलाई नियन्त्रणमा राखेर थप अनुसन्धान भइरहेको प्रहरीले जनाएको छ ।
यसअघि शुक्रबार मात्र धनगढीमा विद्यालयबाट घर फर्किने क्रममा १४ वर्षीया किशोरीलाई चक्कु देखाएर युवकले जबरजस्तीकरणी गरेका थिए ।

प्रकाशित मिति: २०२५-०२-१० , समय : १४:४६:२७ , 2 months अगाडि