मधेस प्रदेश : ब्राउन सुगरसहित दुई जना युवक पक्राउ

गामघर डेस्क

सिरहा । मधेस प्रदेशको सिरहाबाट लागूऔषध ब्राउन सुगरसहित दुई जना पक्राउ परेका छन् । प्रहरीले बुधबार सिरहा नगरपालिका-१७ भन्सार गेट छेउबाट उनीहरूलाई पक्राउ गरेको हो ।पक्राउ पर्नेमा गोलबजार नगरपालिका-७ का २५ वर्षीय हृदय सिंह र गोलबजार नगरपालिका-८ का २२ वर्षीय धर्मेन्द्र यादव छन् । प्रहरीका अनुसार, मोटरसाइकलमा आइरहेका उनीहरूमध्ये चालक सिंहको साथबाट ब्राउन सुगर बरामद भएको हो ।सिंहको साथबाट बरामद गरिएको ब्राउन सुगर ५ ग्राम २०० मिलिग्राम रहेको जिल्ला प्रहरी कार्यालय, सिरहाले जनाएको छ । उनीहरूलाई लागूऔषध नियन्त्रण ब्यूरो, जनकपुर र इलाका प्रहरी कार्यालय, माडरको टोलीले नियन्त्रणमा लिएको प्रहरीले जनाएको छ ।सिरहा जिल्ला अदालतबाट म्याद थप गरी उनीहरूमाथि थप अनुसन्धान कार्य भइरहेको सिरहाका प्रहरी प्रवक्ता डीएसपी वीरेन्द्रकुमार पासवानले जानकारी दिए ।

प्रकाशित मिति: २०२५-०१-२६ , समय : १९:५६:२१ , १ दिन अगाडि