मधेश सरकारले ल्याएको सरकारी कामकाजी भाषासम्बन्धी विधेयक त्रुटिपूर्ण रहेको भन्दै विरोध
मिति: २०२५-०१-२४ , समय : ०७:५८:०९ , गामघर डेस्क
तस्बिर : सामाजिक सन्जालबाट
गामघर डेस्क
जनकपुरधाम । मधेश प्रदेश सरकारले ल्याएको सरकारी कामकाजी भाषासम्बन्धी विधेयक त्रुटिपूर्ण रहेको भन्दै संसद् र सडकमा विरोध भएको छ ।
प्रदेशसभा बैठकमा प्रतिपक्षी दलका सांसदहरूले विधेयकको विरोध गरेका छन् । सांसदहरूले उठेर विरोध जनाएपछि बैठक नै स्थगित भएको छ ।
यस्तै मधेशमा बोलिने मातृभाषालाई छोडेर अन्य भाषाहरूलाई विधेयकमा समावेश गरिएको भन्दै युवाहरूले प्रदेशसभाअघि विरोध प्रदर्शन गरेका छन् । सरकारले प्रदेशसभामा पेश गरेको विधेयकमा मैथिली, भोजपुरी, बज्जिका, हिन्दी र अंग्रेजीलाई कामकाजी भाषाको रूपमा समेटिएको छ ।
प्रकाशित मिति: २०२५-०१-२४ , समय : ०७:५८:०९ , ७ घन्टा अगाडि
