चिसाेले कठ्याङ्ग्रिएर मधेश प्रदेशका मुख्यमन्त्री गाउँकाे एक जनाको मृत्यु

गामघर डेस्क

राजविराज ।
सप्तरीमा अत्यधिक चिसाेले कठ्याङ्गिएर मंगलबार एकजनाको मृत्यु भएको छ । सप्तरीको तिलाठी कोइलाडी गाउपालिका वडा न.४ का ५० वर्षीय भुटाइ साहको कठ्याङ्ग्रिएर मृत्यु भएको हाे ।

मंगलबार बिहान घरदेखि पश्चिम रहेको पोखरीको डिल छेउमा दिशा गर्न गएका बेला साह जाडोले कठ्याङ्ग्रिएर लडेको र सोही ठाउँमा उनको मृत्यु भएको वडाध्यक्ष मुनिलाल मुखियाले जानकारी दिनुभयो ।

मृत्यु भएका साह आर्थिक रूपमा अति विपन्न रहेको वडाध्यक्ष मुखियाले बताउनुभयाे । स्मरण रहाेस सप्तरीको तिलाठी कोइलाडी वडा नम्बर ४ मधेश प्रदेशका मुख्यमन्त्री सतीशकुमार सिंहको घर रहेको वडा पनि हो । विगत केहि दिन यता सप्तरी सहित मधेस प्रदेशका जिल्लाहरुमा बढेको अत्यधिक चिसाे र शितलहरले जनजिवन कष्टकर बनेको स्थानीयहरु बताउँछन् ।

प्रकाशित मिति: २०२५-०१-२१ , समय : १५:१०:५९ , १ दिन अगाडि