जङ्गली हात्तीको आक्रमणबाट एक वृद्धको मृत्यु

गामघर डेस्क

सुनसरी ।
जङ्गली हात्तीको आक्रमणबाट कोशी प्रदेशको मोरङमा एकजनाको मृत्यु भएको छ । मोरङको सुन्दरहरैँचा नगरपालिका– ८ का ७१ वर्षीय हरि प्रसाद घिमिरेको हात्तीको आक्रमणबाट मृत्यु भएको हो।छावा (बच्चा)सहित आएको जङ्गली हात्तीले गएराती घिमिरेलाई आक्रमण गर्दा घटनास्थलमै मृत्यु भएको जिल्ला प्रहरी कार्यालय मोरङले जनाएको छ ।

प्रहरीका अनुसार जङ्गली हात्ती आएर उपद्रो मच्चाउन थालेपछि भाग्न खोज्दा हात्तीको आक्रमणमा परी घिमिरेको मृत्यु भएको हो । घिमिरेको शव पोष्टमार्टमका लागि अस्पताल पठाउने तयारी भइरहेको प्रहरीले जनाएको छ । विगत एक महिनादेखि मोरङको उत्तरी भेगको जङ्गल र बस्तीमा जङ्गली हात्तीले उपद्रो मच्चाउँदै आएको छ ।

प्रकाशित मिति: २०२५-०१-१८ , समय : १३:४५:५९ , १२ घन्टा अगाडि