भारतमा ओभरलोडिङका कारण सडक दुर्घटना हुदा ९ जनाको मृत्यु
दुर्घटना महाराष्ट्रको राजधानी सहर मुम्बईबाट करिब १८५ किलोमिटर पूर्वमा पुणे जिल्लाको नारायणगाउँनजिक पुणे–नासिक राजमार्गमा भएको हो ।
मिति: २०२५-०१-१८ , समय : ०८:३९:२२ , गामघर डेस्क
तस्वीर : एजेन्सिबाट
गामघर डेस्क
नयाँ दिल्ली । पश्चिमी भारतको महाराष्ट्र राज्यमा शुक्रबार भएको दुर्घटनामा कम्तीमा नौजनाको ज्यान गएको छ ।
तीव्र गतिमा रहेको मिनी ट्रकले भ्यानलाई ठक्कर दिँदा दुर्घटना भएको र त्यसमा नौजनाको मृत्युभएको प्रहरीले जनाएको छ । दुर्घटनामा ६ जना घाइते भएका छन् ।
दुर्घटना महाराष्ट्रको राजधानी सहर मुम्बईबाट करिब १८५ किलोमिटर पूर्वमा पुणे जिल्लाको नारायणगाउँनजिक पुणे–नासिक राजमार्गमा भएको हो ।
दुर्घटनालगत्तै स्थानीयवासी र प्रहरी घटनास्थल पुगेर घाइतेहरूलाई नजिकैको अस्पतालमा लगेका थिए । प्रहरीले मुद्दा दर्ता गरी दुर्घटनाको अनुसन्धानअगाडि बढाएको छ ।
भारतमा ओभरलोडिङ, सडकको खराब अवस्था र लापरबाहीका कारण सडक दुर्घटना हुने गरेको छ । (एजेन्सी)
प्रकाशित मिति: २०२५-०१-१८ , समय : ०८:३९:२२ , १७ घन्टा अगाडि
