सप्तरी प्रहरीद्वारा ठूलो परिणामको गाँजा बरामद : तस्कर फरार
मिति: २०२५-०१-१२ , समय : १४:४१:५१ , श्रीकान्त यादब
तस्बिर : सामाजिक सन्जालबाट
श्रीकान्त यादब
राजविराज । सप्तरी प्रहरीले ठूलो परिणामको गाँजा बरामद गरेको छ । सप्तरीकाे बलान विहुल गाउँपालिकाबाट प्रहरीले शनिवार राती झण्डै ७ क्विण्टल गाँजा नियन्त्रणमा लिएको हाे।
बलान बिहुल गाउँपालिका वडा न.१ चन्हीस्थित कमलदाहामा २४ पोका बनाई परालले छोपेर राखेको अवस्थामा ६७० किलो गाँजा बरामद भएको प्रहरीले जनाएको छ।
उक्त गाँजा भारत छिराउन तयारी अवस्थामा राखिएको प्रहरीले जनाएको छ। तस्करले पछिल्लो समय गाँजा तस्करीका लागि सप्तरीलाई ट्रान्जित प्वाईन्टका रुपमा प्रयोग गरिरहेका छन्।
यसअघि ३ मंसिरको राती प्रहरीले राजगढ गाउँपालिकाबाट टिपरमा लोड गरिएको अवस्थामा १ हजार ७ सय १७ किलो गाँजा नियन्त्रणमा लिएको थियो।
पछिल्लोपटक पूर्वी पहाडी जिल्लाबाट सप्तरी ल्याएर गाँजा भण्डारण गरिने र यहाँबाट भारततर्फ तस्करी हुने गरेको छ। प्रहरीले गाँजा नियन्त्रणमा लिने गरे पनि कारोबारी भने पक्राउ पर्ने गरेका छैनन्।
प्रकाशित मिति: २०२५-०१-१२ , समय : १४:४१:५१ , ३ घन्टा अगाडि
