नम्बर नखुलेको सवारीको ठक्करबाट सप्तरीमा एक जनाको मृत्यु

गामघर डेस्क

राजविराज । सप्तरीमा मर्निङ वाकमा निस्केका एक व्यक्तिको गाडीको ठक्करबाट मृत्यु भएको छ ।

जिल्लाको सुरुङ्गा नगरपालिका वडा न.३ स्थित कदमाहा–गाईघाट सडक खण्डमा पहिचान खुल्न नसकेको सवारीको ठक्करबाट सोही नगरपालिका–३ का ६० वर्षीय रामबहादुर नेपालीको मृत्यु भएको प्रहरीले जनाएको छ ।

आज बिहान ४ बजे मर्निङ वाकमा निस्केका नेपालीलाई नम्बर नखुलेको सवारीले ठक्कर दिएको जिल्ला प्रहरी कार्यालय सप्तरीका प्रहरी प्रमुख एसपी ढकेन्द्र खतिवडाले जानकारी दिनुभयो ।

यता ठक्कर दिने सवारीको खोजी कार्य तिर्व रुपमा भइरहेको सप्तरी प्रहरीले जनाएको छ ।

प्रकाशित मिति: २०२५-०१-०३ , समय : १०:१४:२१ , ४ दिन अगाडि