मधेस प्रदेश : ट्याक्टरमा मोटरसाइकल ठोक्किँदा दुई जनाको मृत्युु

गामघर डेस्क

जनकपुरधाम ।
मधेस प्रदेशको सर्लाहीको बरहथवा नगरपालिका–९ मुर्तियामा ट्याक्टरमा मोटरसाइकल ठोक्किएर भएको दुर्घटनामा दुई जनाको ज्यान गएको छ । गएराति उखु बोकेर हरिवनको चिनी मिल जाँदै गरेको ट्याक्टरमा मोटरसाइकल ठोक्किँदा मोटरसाइकलमा रहेका दुई जनाको ज्यान गएको हो ।

ज १ त ९८७६ नम्बरको ट्याक्टरमा ज ४ प ३७७ नम्बरको मोटरसाइकल ठोक्किँदा बरहथवा नगरपालिका ५ घर भएका २५ वर्षीय हरेन्द्र महतो र अर्का २२ वर्षीय पुरुषोत्तम दासको ज्यान गएको इलाका प्रहरी कार्यालय बरहथवाले जानकारी दिएको छ । दुर्घटनाको थप अनुसन्धान भइरहेको प्रहरीको भनाइ छ ।

प्रकाशित मिति: २०२४-१२-३१ , समय : ०८:२७:२१ , १ हप्ता अगाडि