मधेस प्रदेश : राजदेवीमा आगलागी हुँदा २५ घर जलेर नष्ट

गामघर डेस्क

जनकपुरधाम । मधेस प्रदेशको रौतहटको राजदेवी नगरपालिका-५ स्थित पासवान टोलमा आगलागी हुँदा २५ घर जलेर नष्ट भएको छ । आइतबार मध्यराति आगलागी हुँदा लाखौंको सम्पत्ति जलेर नष्ट भएको हो ।
पासवान टोलमा रहेका बाबुलाल हजराको घरमा विद्युत् शर्ट भएर आगो सल्किँदा दीपेन्द्र पासवान, प्रदीप पासवान, रामनाथ हजरा सहितका घर जलेर पूर्ण रूपमा नष्ट भएको छ । आगलागीको खबर प्राप्त भएपछि प्रहरी चौकी ब्रह्मपुरी, सशस्त्र प्रहरीको बीओपी बेलविछवा र गौर नगरपालिकाको वारुणयन्त्रको मद्दतबाट आगो नियन्त्रणमा लिइएको थियो ।

प्रकाशित मिति: २०२४-१२-३० , समय : ११:०५:१४ , १ हप्ता अगाडि