मधेस प्रदेश : कारभित्रै मृत भेटिएका प्रहरीलाई गोली हानेको पुष्टि, इन्सपेक्टर नै शंकाको घेरामा

गामघर डेस्क

जनकपुरधाम । मधेस प्रदेशकाे बारामा पुस ६ गते कारभित्रै मृत फेला परेका राजकुमार रुम्बाको गोली हानी हत्या गरिएको पुष्टि भएको छ ।सिमरा विमानस्थलको विमान सुरक्षा प्रहरी गार्ड कार्यालयमा कार्यरत रुम्बाको पोष्टमार्टम रिपोर्ट अनुसार टाउकोमा गोली प्रहार भएको हो ।
जितपुर सिमरा उपमहानगरपालिका–१, सेन्डिगेट घर भएका रुम्बाको शव जितपुरसिमरा उपमहानगरपालिका–११, अमाडरस्थित पुलछेउमा निजी कारभित्र फेला परेको थियो । मृतकको टाउकोमा चोट थियो ।घटनाको अनुसन्धान भने अझै निष्कर्षमा पुगेको छैन । स्रोतका अनुसार घटनामा शंकास्पद भूमिका देखिए प्रहरी राष्ट्रिय अनुसन्धान विभागका इन्सपेक्टर श्रीकान्त तिवारी नियन्त्रणमा छन् ।उनीमाथि प्रहरीले अनुसन्धान गरिरहेको बताइएको छ । अन्य केही शंकास्पदलाई पनि पक्राउ गरेर प्रहरीले अनुसन्धान गरिरहेको छ ।

प्रकाशित मिति: २०२४-१२-२९ , समय : ०९:५४:४७ , १ हप्ता अगाडि