सप्तरीकाे रुपनीमा एक युवकको वेवारिसे शव फेला

गामघर डेस्क

राजविराज । सप्तरीको रुपनी गाउँपालिकामा एक युवकको शव वेवारिसे फेला परेको छ ।

रुपनी गाउँपालिकाको वडा नम्बर १ स्थित सामुदायिक भवनमा वुधबार वेवारिसे अवस्थामा शव फेला परेको हो ।

नाम थर ठेगाना खुल्न नसकेको अन्दाजी २७ वर्षीय पुरुष मृत अवस्थामा फेला परेको जिल्ला प्रहरी कार्यालय सप्तरीका प्रहरी उपरीक्षक ढकेन्द्र खतिवडाले जानकारी दिए ।

मृतकको शव परीक्षणका लागि राजविराजस्थित गजेन्द्रनारायण सिंह अस्पताल लगिएको र थप अनुसनधान भइरहेको प्रहरीले जनाएको छ ।

प्रकाशित मिति: २०२४-१२-१९ , समय : ०६:५६:०३ , ३ हप्ता अगाडि