सप्तरीको डाक्नेश्वरी नगरपालिकाकाे दुवै वडामा उत्साहजनक मतदान ( तस्बिर सहित )
मिति: २०२४-१२-०१ , समय : ११:४६:११ , श्रीकान्त यादब
तस्बिर : सामाजिक सन्जालबाट
श्रीकान्त यादब
राजविराज । सप्तरीको डाक्नेश्वरी नगरपालिकामा आज बिहानैदेखि मतदान सुरु भएको छ ।
नगरपालिकाको वडानम्बर १ र ४ मा वडाअध्यक्ष पदको लागि मतदान सुरु भएको हो ।
दुवै वडाको ३ वटा मतदान स्थल र मा ५ वटा केन्द्रमा बिहान ७ बजेदेखि मतदान सुरु भएको जिल्ला निर्वाचन कार्यालय सप्तरीले जनाएको छ ।
वडानम्बर १ मा दुई हजार ६३५ र वडानम्बर ४ मा एक हजार २८१ मतदाता छन् ।
सबै मतदान स्थलमा शान्तिपूर्ण रुपमा मतदान भइरहेको जिल्ला प्रहरी कार्यालय सप्तरीका प्रहरी उपरीक्षक ढकेन्द्र खतिवडाले जानकारी दिए ।
वडा नम्बर १ र ४ मा अध्यक्ष पदका लागि भइरहेको उप-निर्वाचनमा १६ जना उम्मेदवार रहेका छन् ।
प्रकाशित मिति: २०२४-१२-०१ , समय : ११:४६:११ , २ हप्ता अगाडि
