गाडीको ठक्करबाट सशस्त्र प्रहरीको मृत्यु : पूर्वपश्चिम राजमार्ग अवरुद्ध

गामघर डेस्क

लहान । मधेस प्रदेशको सिरहामा नम्बर नखुलेको गाडीले ठक्कर दिंदा एकजना सशस्त्र प्रहरीको मृत्यु भएको छ । सिरहाको बरियारपट्टी गाउँपालिका वडा न.१ कचनारी बोर्डर नजिक ठक्करबाट सशस्त्र प्रहरीका सई लक्ष्मण यादवको मृत्यु भएको हो ।
ठक्करबाट गम्भीर घाइते यादवको आज बिहान उपचारको क्रममा प्रादेशिक अस्पताल लहानमा मृत्यु भए सिरहाका प्रहरी प्रवक्ता डीएसपी वीरेन्द्रकुमार पासवानले जानकारी दिए । गाडी बोर्डर नजिक चेक जाँचका लागि खटिएका यादवलाई ठक्कर दिएर भागेको हो । यता ठक्कर दिने गाडीको खोजी र घटना विषयमा थप अनुसन्धान भइरहेको जिल्ला प्रहरी कार्यालय सिराहाले जनाएको छ । मदिरा तस्करी गर्नेले गाडीको ठक्करबाट सशस्त्र प्रहरीका सई लक्ष्मणप्रसाद यादवको मृत्युपछि सिरहाको लहानमा आन्दोलन चर्किएको छ । यता मृतक सईका आफन्त र लहानवासीले पूर्वपश्चिम राजमार्ग अवरुद्ध पारेका हुन् ।

प्रकाशित मिति: २०२४-१२-०१ , समय : १०:४२:५३ , २ हप्ता अगाडि