सप्तरी प्रहरीद्वारा झण्डै अढाई लाख भन्दा बढीको अबैध समान पक्राउ

गामघर डेस्क

राजविराज ।
भारतबाट अवैध रुपमा भन्सार छली तथा चोरी पैठारी गरी समानहरु ल्याई राखेको अवस्थामा सप्तरी प्रहरीले विभिन्न समानहरु बरामद गरेका छन ।
गत सोमवार खटिएको प्रहरी टोलीले गस्ती गर्ने क्रममा राजबिराज नगरपालिका वडा नं. १२ झलही नहर सडक खण्ड स्थित नजिकमा भारतबाट अवैध रुपमा भन्सार छली तथा चोरी पैठारी गरी समानहरु ल्याई राखेको अवस्थामा प्रहरी टोलीले १ लाख ६६ हजार ५ सय रुपैया बराबरको ३३३पिस जर्सीहरु फेला परेको जिल्ला प्रहरी कार्यालय सप्तरीका सुचना अधिकारी तथा प्रवक्ता प्रहरी नायव उपरीक्षक जितेन्द्रकुमार बस्नेतले सञ्चारकर्मीलाई जानकारी दिनु भयो । उहाँका अनुसार पक्राउ परेका जर्सी आवश्यक अनुसंधान भई रहेको बताउनु भयो ।
यसैविच प्रहरी टोलीले गस्ती गर्ने क्रममा राजबिराज नगरपालिका वडा नं. ०६ राम मन्दिर चौक स्थित भारतबाट अवैध रुपमा भन्सार छली तथा चोरी पैठारी गरी मोटरसाईकल नम्बर नखुलेको यमाहा १२५ सि.सि. को सजेडआरआर मोटरसाईकलमा बोराहरुलोड गरी ल्याउदै गरेको अवस्थामा चिनी,बटर बेक बिस्कुट फेला परेकोमा,१ लाख १ हजार ९ सय १० रुपैया बराबरकोउक्त मोटरसाईकल र चिनी,बटर बेक बिस्कुटसहितप्रहरी टोलीले नियन्त्रणमा लिई आवश्यक कारवाहीको लागि भन्सार कार्यालय बुझाईएको जिल्ला प्रहरी कार्यालय सप्तरीका सुचना अधिकारी तथा प्रवक्ता प्रहरी नायव उपरीक्षक बस्नेतले सञ्चारकर्मीलाई जानकारी दिनु भयो ।

प्रकाशित मिति: २०२४-११-१२ , समय : १९:४३:१५ , १ महिना अगाडि