मधेस प्रदेश : वडाध्यक्ष यादव हत्याका दुई आरोपी पूर्पक्षका लागि थुनामा

गामघर डेस्क

जनकपुरधाम ।
मधेस प्रदेशको महोत्तरीको रामगोपालपुर नगरपालिका वडा नम्बर २ वडाध्यक्ष मुकेश कुमार यादवको हत्या आरोपमा दुई आरोपीलाई जिल्ला अदालत महोत्तरीले पूर्पक्षका लागि थुनामा पठाएको छ।

इजलास नम्बर ४ मा भएको थुनछेक बहसपछि न्यायाधीश नवराज दुलालको एकल इजलासले औरही नगरपालिका ७ निवासी सञ्जीव झा र दिलिप कुमार मण्डललाई पूर्वपक्षका लागि थुनुवामा राख्न आदेश दिएको हो। गत भदौ ८ गते जलेश्वर सडकखण्डमा पर्ने बर्दिबास ८ स्थित कलभर्ट नजिकै वडाध्यक्ष यादव मृत अवस्थामा फेला परेको थियो।

वडा अध्यक्ष यादवको मृत्यु शंकास्पद देखिएपछि प्रहरीले अनुसन्धान गरेको थियो। प्रहरीको अनुसार पछि दुवै आरोपीलाई नियन्त्रणमा लिई अदालतमा पेश गरेको थियो। जिल्ला अदालत महोत्तरीको श्रेष्ठादार बयान भएको र मंगलवारकाे बहस पछि पूर्वपक्षमा राख्न न्यायाधीशले आदेश दिएको थियो । यसैगरी पीडित पक्षले सोमवार र मंगलवार अदालतको मुख्य गेट अगाडि धारणा समेत दिएको थियो।

प्रकाशित मिति: २०२४-१०-२४ , समय : ०८:१६:०९ , 5 months अगाडि