माँ भगवती काली मन्दिर पकरीमा पाँचौ दिन स्कन्दमाताको पूजा

गामघर डेस्क

राजविराज । सप्तरीको महादेवा गाउँपालिका वडा न.१ पकरी स्थित माँ भगवती काली मन्दिरमा हिन्दु धर्माबलम्वीहरुको महान चाड बिजयादशमीको आज पाँचौ दिन स्कन्दमाताको पूजा लगायतको धार्मिक कार्य गरिदै छन । भगवान स्कन्दकुमार कार्तिकेयको बालस्वरुपलाई सदैव काखमा राखी ममतामयी स्नेह प्रदान गर्ने हुनाले नवरात्रीको पाँचौ दिन यिनलाई स्कन्दमाताको नामबाट पुकार्ने गरिन्छ ।
कार्तिकेयको एक नाम स्कन्द पनि हो । जो ज्ञानशक्ति र कर्मशक्तिको सूचक थिए । त्यस्तै ज्ञानशक्ति र कर्मशक्तिको देवी स्वरुपलाई स्कन्दमाता नामले चिन्ने गरिएको हो । चार हातमध्ये दायाँतर्फको माथिल्लो हातले स्कन्दकुमार कार्तिकेयलाई काखमा च्याप्दै बायाँतर्फको तल्लो हातमा कमलको फूल र माथिल्लो हातले बरमुद्रा धारण गर्ने यिनी पद्मासनसहित सिंहमा सवार रहने वर्णन छ । दुर्गा पक्षसमेत भनिने दशैंको पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौं दिन स्कन्दमाता, छैटौं दिन कात्यायनी, सातौँ दिन कालरात्री, आठौं दिन महागौरी र नवौँ दिन सिद्धिदात्रीको पूजा आराधना गर्ने गरिन्छ ।
बिजयादशमीको दश दिनसम्म धार्मिक विधी ,विधान अनुसार पुजा–पाठ,संध्या भजन,किर्तन, गरि मनाउने गरेको बताइन्छ । असत्य माथि सत्यको विजय, आसुरी शक्ति माथि देवी शक्तिको विजय स्वरूप महान पर्व विजया दशमीमा सम्पूर्ण मानव जगतलाई सुख,शान्ति ,समृद्धि वैभव,उन्नती प्रगतीको हार्दिक मंगलमय शुभकामना साटा साट गरेर यो पर्व मनाइन्छ । मन्दिरको संस्थापक बेचन यादव र भुटी देवी यादवको ब्यवस्थापनमा नियमित पुजा पाठ हुदै आएको छ । स्थानिय पण्डित राजकुमार यादवबाट विजया दशमीको दश दिनसम्म महादेवा गाउँपालिकाका प्रमुख प्रशासकिय अधिकृत रामलखन यादवले पुजा पाठ गरीरहेको मन्दिर ब्यवस्थापन समितिले जनाएको छ । यस मन्दिरमा दीपावली गरी झिलीमिली बनाएको देखिन्छ ।

प्रकाशित मिति: २०२४-१०-०७ , समय : १४:२४:४६ , 6 months अगाडि