सप्तरीकाे कोशी बाँधमा सवारी दुर्घटना हुदा २ जना घाइते

गामघर डेस्क

राजविराज ।
सप्तरीको हनुमाननगर कंकालिनी नगरपालिका वडा न.१ स्थित पूर्वपश्चिम लोकमार्ग अन्तर्गत कोशी बाँधमा शुक्रबार सवारी दुर्घटना हुँदा दुइजना गम्भीर घाइते भएको छ । पश्चिमबाट पूर्वतर्फ जाँदै गरेको बा २६ प ६४०१ नम्बरको मोटरसाइकललाई विपरीत दिशाबाट आउँदै गरेको प्र–१०२–००३ ह ३५२१ नम्बरको सिटीले ठक्कर दिँदा सो दुर्घटना भएको हो ।
सो सवारी दुर्घटनामा हनुमाननगर कंकालिनी नगरपालिका १ भारदहका मोटरसाइकल चालक २१ वर्षिय लक्ष्मण पैकरा र सोही मोटरसाइकलको पछाडि सावार वतन नखुलेका १९ / २० वर्षिया काजल मेहता घाइते भएको प्रहरीले जनाएको छ । सो दुर्घटनामा सुनसरी कोशी गाउँपालिका ८ का सिटी चालक २० वर्षिय संतोष कामैत सामान्य घाइते भएको प्रहरीले जनाएको छ ।
घाइते दुबैजनालाई स्थानीयको सहयोगमा प्रहरीले उद्वार गरी उपचारको विपी कोइराला स्वास्थ्य विज्ञान प्रतिष्ठान धरानमा उपचार भइरहेको ईलाका प्रहरी कार्यालय कंचनपुरले जनाएको छ । सिटी र सिटी चालकलाई इलाका प्रहरी कार्यालय भारदरको नियन्त्रणमा राखी आवश्यक कारबाही अगाडी बढाइएको प्रहरीले जनाएको छ ।

प्रकाशित मिति: २०२४-०९-२० , समय : १८:२७:०५ , ४ महिना अगाडि