मधेस प्रदेश : छुट्टाछुट्टै दुर्घटनामा परि दुई जनाको मृत्यु

गामघर डेस्क

जनकपुरधाम । बिहीबार राती छुट्टाछुट्टै स्थानमा दुर्घटनामा परि मधेस प्रदेशको रौतहटमा दुई जनाको मृत्यु भएको हो । मधेस प्रदेशकाे रौतहटको गरुंडा नगरपालिका-४ चन्द्रपुर-गौर सडक खण्डमा सानो सवारीसाधन (मयुरी)ले पैदल यात्रुलाई ठक्कर दिदाँ गम्भीर घाइते भएका थिए ।
ठक्करबाट गम्भीर घाइते भएका गरुंडा नगरपालिका-४ का राम साह रौनियारलाई सामान्य उपचार पछी विरगंज रिफर गरिएको थियो । विरगंज लैजाने क्रममा गम्भीर घाइते भएका रौनियारको बाटोमा नै मृत्यु भएको ईलाका प्रहरी कार्यालय गरुडाले जानएको छ ।
ठक्कर दिने म.प्र.०३ ००१ ह ३४१४ नम्बरको मयुरी र चालकलाई प्रहरीले नियन्त्रणमा लिई थप अनुसन्धान गरिरहेको छ । त्त्यस्तै ज़िल्लाको कटहरिया बजार देखि पश्चिम लालबकैया पुल पारी कटहरिया गम्हरीया सडक खण्डमा मोटरसाइकल दुर्घटना हुँदा कटहरिया नगरपालिका-९ डुमरीयाका रामजनम पासवानको मृत्यु भएको छ ।
बाराको सिसवा सोनाहा जाँदै गर्दा पासवानको दुर्घटनामा मृत्यु भएको हो । यता पासवान सवार मोटरसाइकल आफै अनियन्त्रित हुँदा दुर्घटना भएको ईलाका प्रहरी कार्यालय गरुंडाले जनाएको छ ।

प्रकाशित मिति: २०२४-०९-२० , समय : ०९:५८:४३ , ३ महिना अगाडि