अमेरिकामा मुनाको गोली हानी हत्या गर्ने आरोपीको पहिचान खुल्यो : यस्तो छ हत्याको रहस्य !

मिति: २०२४-०८-३० , समय : १४:०६:३६ , गामघर डेस्क

तस्बिर : एजेन्सीबाट

गामघर डेस्क

काठमाडौं । अमेरिकामा नेपाली युवती मुना पाण्डेको हत्यामा संलग्न रहेको आरोपमा पक्राउ परेका व्यक्तिको पहिचान खुलेको छ ।ह्युस्टन प्रहरीका अनुसार पाण्डेको हत्या आरोपमा पक्राउ परेका व्यक्ति ५३ वर्षीय बब्बी सिंह शाह हुन् ।
न्युयोर्कबाट सञ्चालित नेपाली अनलाइन खसोखासमा उल्लेख भएअनुसार शाहविरुद्ध हत्या अभियोग दर्ता गरिएको छ ।लुटपाटका क्रममा घातक हतियारको प्रयोग गरी आयशयुक्त तरिकाले पाण्डेको गोली हानी हत्या गरेको अदालती कागजातमा भनिएको छ ।शाहलाई बुधबार बेलुका ८ बजे लगत्तै उत्तरपश्चिम ह्युस्टन ट्राफिक स्टपमा पक्राउ गरिएको थियो ।
टेक्सासको ह्युस्टनस्थित अपार्टमेन्टमा पाण्डे गोली हानेर मारिएको अवस्थमा फेला परेकी थिइन् ।नेपालमा भोजपुर घर भएकी पाण्डे सन् २०२१ मा अध्ययनका लागि अमेरिका पुगेकी थिइन् । एजेन्सी

प्रकाशित मिति: २०२४-०८-३० , समय : १४:०६:३६ , 7 months अगाडि

यहाँ कमेन्ट गर्नुहोस्
सम्बन्धित