नेपाल खानेपानी प्रमुखमा यादव हाजिर : इमानदारी पूर्वक जनताको पक्षमा काम गर्ने प्रतिवद्धता

गामघर डेस्क

राजविराज ।
नेपाल खानेपानी संस्थान राजविराज शाखाको कार्यालय प्रमुखमा राजाराम यादवले एक कार्यक्रमविच आईतवार पदभार ग्रहण गरिएको छ।
आईतबार कार्यालयमा हाजिर भई पदभार ग्रहण गर्नुभएको हो । नव आगन्तुक कार्यालय प्रमुख यादवलाई विभिन्न व्यक्तिहरुले स्वागत तथा सम्मान गरेका थिए ।
खानेपानी संस्थानमा कार्यालय प्रमुखको प्रदभार ग्रहण गर्दै यादवले कामले गति लिने बताएका छन् । उनले भने “अब नगरपालिकाको घर घरमा पानी पुर्‍याउने बताउदै उनले नगरक्षेत्रमा पानीको समस्या नहुने बताए ।
कार्यालय प्रमुख यादवले हामी जनताको सेवक हौं, शासक होइन भनेका छन् । उनले सबै कर्मचारीलाई विकासीय काम कुनै कसर बाँकी नराख्न आग्रह गरेका छन् । आयोजित कार्यक्रममा कंचनरुप नगरपालिकाको नगर प्रमुख ललन प्रसाद गुप्ता ,कोशी टप्पु बन्यजन्तु आरक्षको पूर्व काउन्सिल अध्यक्ष विरेन्द्र यादव,हनुमान नगरकंकालनी नगरपालिका वडा नम्वर १४ को वडा अध्यक्ष कृष यादव, युवा पत्रकार विन्दु कुमार यादव ,युवा अभियान्ता विष्णु यादव,सप्तरी युथ नेपालको उपाध्यक्ष मोहन यादव, ,युवा अभियान्ता अनवर अली, पूर्व प्रअ कपिल देव यादव, मनिष महासेठ लगायतका भद्रभलादमी तथा कार्यलयका कर्मचारीहरुले नव आगन्तुक हाकिम यादवलाई कार्यालयमा माला, टिकाले भव्य स्वागत गरेका थिए ।
को हुन् कार्यालय प्रमुख यादव …..?
नवनियुक्त कार्यालय प्रमुख यादव सप्तरीको रुपनी गाउँपालिका वडा नम्वर २ को बासिन्दा हुन् । उनले सप्तरीको कंचनरुप नगरपालिकामा २०७२ देखि २०७६ सम्म सव ईन्जिनियर भएर काम गरेको तथा सप्तरीकै अग्नीसाईर कृष्णसवरण गाउँपालिकामा दुई वर्ष सव ईन्जिनियर भएर काम गरेको जानकारी दिए । २०७९ माध १५ गते नेपाल खानेपानी संस्थानमा प्रवेश गरेको बताए । समाज परिवर्तन गर्ने, विकास गर्ने र संवृद्ध बनाउने संघर्षरत यात्रा निरन्तर लागि परेको बताए। इमान्दारीता र समाजप्रतिको जिम्मेवारी वहन गर्ने शैलीलाई अनुमोदन गरेर नागरिकहरूले यहाँसम्म ल्याउनु भएको बताए । इमानदारी पूर्वक जनताको पक्षमा काम गर्ने प्रतिवद्धता व्यक्त गर्नुभयो ।

प्रकाशित मिति: २०२४-०८-१९ , समय : ०७:०२:३७ , ५ महिना अगाडि