हेलिकप्टर दुर्घटना अपडेट : एयर डाइनेस्टीको हेलिकप्टर दुर्घटनामा एक महिला सहित ५ जनाको मृत्यु

गामघर डेस्क

काठमाडाैँ । नुवाकोटको सूर्यचौरमा एयर डाइनेस्टीको हेलिकप्टर दुर्घटनामा ५ जनाको मृत्यु भएको छ । घटनास्थलमा उद्धारका लागि खटिएका एक प्रहरी अधिकृतका अनुसार मृत्यु हुनेका ४ पुरुष र १ महिलाको मृत्यु भएको हो ।

उक्त हेलिकप्टर १ः५४ मा काठमाडौंबाट उडेको थियो । सो हेलिकप्टरको शिवपुरीको डाँडाबाट सम्पर्क टुटेको थियो। एक प्रहरी अधिकृतका अनुसार अहिले शिवपुरी ७ स्थित सुर्यचौरमा हेलिकप्टर दुर्घटना भएको छ । ‘दुर्घटना भएको ठाउँमा दनदनी आगो बलिरहेको छ । जान सकिएको छैन ।’

दुर्घटना भएकोबारे शिवपु्री ७ का वडा सचिव नारायण पाण्डेले पनि पुष्टि गरे । उनका अनुसार बाक्लो कुहिरोले ढाकेको डाँडामा हेलिकप्टर खसेको छ ।

प्रकाशित मिति: २०२४-०८-०७ , समय : १५:३९:१७ , ४ महिना अगाडि