अमेरिकामा अर्को बैंक पनि बन्द, बचत सुरक्षित रहेकाले नआत्तिन सरकारको आग्रह

गामघर डेस्क

अमेरिका ।
अमेरिकामा अर्को बैंक पनि बन्द भएको छ । देशकै ठूलो मध्येको एक सिलिकन भ्याली बैंक बन्द भएको दुई दिनपछि नियामक निकायले न्युयोर्क आधारित सिग्नेचर बैंक पनि बन्द गराएका हुन् ।

अमेरिकाको ट्रेजरी, फेडरल रिजर्भ र एफडीआईसीले संयुक्त विज्ञप्ति निकालेर बैंक बन्दको घोषणा गरेका न्युयोर्क टाइम्सले जनाएको छ । सम्भावित बैंकिङ सङ्कट रोक्नका लागि सिग्नेचर बैंक बन्द गराएको विज्ञप्तिमा उल्लेख छ ।

नियामक निकायले बैंक बन्द भए पनि बैंकका बचतकर्ताहरूको रकम सुरक्षित रहेको भन्दै बचतकर्तालाई आफ्नो बचतमा पूर्ण पहुँच रहेको जनाएका छन् । सिग्नेचर बैंक क्रिप्टोकरेन्सी उद्योगमा लगानी गर्नेमध्येको एक मुख्य बैंक हो ।

यसअघि अमेरिकी नियामक नियकाले शुक्रवार बैंक सिलिकन भ्याली बन्द गराउँदै बैंकमा रहेकाे सम्पूर्ण रकम आफ्नो कब्जामा लिएको थियो । एजेन्सीबाट

प्रकाशित मिति: २०२३-०३-१३ , समय : २१:२६:४४ , २ वर्ष अगाडि