कोशी प्रदेशको विराटनगरमा दिउँसै १४ लाख रुपैयाँ लुटियाे

गामघर डेस्क

विराटनगर ।
कोशी प्रदेशको विराटनगरमा मोटरसाइकलमा आएका लुटेराहरूले दिउँसै १४ लाख रुपैयाँ लुटेका छन्।

आइतबार दिउँसो ३ बजेतिर मोटरसाइकलमा आएका दुई लुटराले विराटनगर– ३ मा रहेको उद्योगमा कामदार पठाउने पाथिभरा मेनपावर सप्लायर्सको १४ लाख रुपैयाँ लुटेका हुन्।

मजदुरको पारिश्रमिक दिनका लागि आइतबार नै एभरेस्ट बैंकबाट निकालेर ल्याएको १४ लाख रुपैयाँ फोनमा कुरा गर्दै आएका लुटेराहरूले अकस्मात लुटेर भागेका व्यवसायी विवेक कर्णले बताए। पैसा लुटेर लुटेराहरू पश्चिमतर्फ मोटरसाइकलमा फरार भएकाे उनले बताए।

मोरङ प्रहरी प्रवक्ता ज्ञानेन्द्रबहादुर बस्नेतले पैसा लुटिएको सूचना प्राप्त भएपछि लुटेराहरूको खोजी भइरहेको जानकारी दिए।

प्रकाशित मिति: २०२४-०७-२१ , समय : १९:४१:४५ , ६ महिना अगाडि