मधेस प्रदेश : पोखरीमा डुबेर एकै टाेलका ३ जना बालिकाको मृत्यु
मिति: २०२४-०७-०४ , समय : १७:०९:३८ , गामघर डेस्क
तस्बिर : सामाजिक सन्जालबाट
गामघर डेस्क
जनकपुरधाम । मधेस प्रदेशको धनुषामा पोखरीमा डुबेर एकै टाेलका तीन जना बालिकाको मृत्यु भएको छ ।
मधेस प्रदेशको धनुषाको धनौजी गाउँपालिका वडा न. ५ बअुहर्वाको एक सार्वजनिक पोखरीमा डुबेर १० देखि १२ वर्ष उमेरका तीन बालिकाको मृत्यु भएको हो ।
मृत्यु हुनेमा मुस्कान खातुन, जिनत खातुन र अजमेरी खातुन रहेको धनुषाका प्रहरी प्रवक्ता एवम् डीएसपी रञ्जन अवाले जानकारी दिनुभयो ।
उहाका अनुसार बिहीबार दिउँसो सवा १२ बजेतिर पोखरीमा बालिकाहरुलाई डुबिरहेको देखेपछि स्थानीयले उद्धार गरी उपचारका लागि जनकपुर प्रादेशिक अस्पताल ल्याउने क्रममा एकजनाको र दुईजनाको अस्पतालमा मृत्यु भएको हो ।
उनीहरुको नुहाउने क्रममा डुबेको स्थानीय बासिन्दाले बताएका छन् ।
यता बालिकाहरुको शव पोस्टमार्टमको लागि प्रादेशिक अस्पताल जनकपुरमा राखिएको र घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
प्रकाशित मिति: २०२४-०७-०४ , समय : १७:०९:३८ , 9 months अगाडि
