धान दिवसकाे अवसरमा सप्तरी युथले राजविराजकाे सडकमै धान राेपे ( तस्बिर सहित )

गामघर डेस्क

राजविराज । बिकासको पर्खाइमा हाम्रो राजबिराज भन्ने उदेश्यले सप्तरी युथ नेपालले धान दिवसको अवसरमा सबैमा शुभकामना तथा विरोध प्रदर्शनको एक अनोठो तरिका अपनाएको छ। सप्तरीको राजविराज रुपनी खण्ड अन्तर्गत राजबिराज नगरपालिकाकाे वडा न. ९ मा सडक मर्मत सम्भार नगरेको विरोधमा सप्तरी युथ नेपालद्वारा सडकमै धान दिवस मनाएकाे हो । जबसम्म उक्त स्थानमा सडक मर्मत सम्भार नगरेमा सडक जाम समेत गर्नुपर्नै बाध्यता त्यस पछी मात्र सम्बन्धित निकायको ध्यान आकर्षण हुने सम्भावना रहेको छ। सप्तरी युथका युवाहरूले धान रोपेर सडक मर्मतको आवश्यकता औंल्याएका छन्, जसले जनताको गुनासो र असन्तुष्टिलाई प्रभावकारी तरिकाले व्यक्त गरेको छ । यता स्थानीय प्रहरी प्रशासनद्वारा आज 3 बजेभित्र उक्त बाटोमा मर्मत सम्भार कार्य गरिने प्रतिबद्धता जिल्ला प्रहरी कार्यालय सप्तरीका प्रहरी उपरीक्षक गज्जु सिद्धि बज्राचार्यले ब्यक्त गरेपछि अवरुद्घ सडककाे जाम खोलिएको सप्तरी युथका माेहन कुमार यादवले जानकारी दिनुभयो ।

प्रकाशित मिति: २०२४-०६-२९ , समय : १२:२६:२४ , ७ महिना अगाडि