स्थानीयको अवरोधको कारण हुलाकी लोकमार्ग निर्माणमा ढिलाई

गामघर डेस्क

राजविराज ।
सप्तरीको राजविराज नगरपालिकाकी कार्यबाहक प्रमुख इसरत परविन र ८ का वडाध्यक्ष एवम् नगर प्रबक्ता जयनारायण मण्डलले व्यक्तिगत स्वार्थपुर्तिका लागि अतिक्रमण हटाउने नाममा आफुहरुको व्यक्तिगत सम्पत्तिमाथि क्षति पु¥याएको स्थानियको आरोप छन् ।
राजविराजमा मंगलबार पत्रकार सम्मेलन गर्दै कार्यबाहक प्रमुख परविन र प्रबक्ता मण्डलले व्यक्तिगत स्वार्थपुर्तिका लागि अतिक्रमण हटाउने नाममा आफुहरुको व्यक्तिगत सम्पत्तिमाथि क्षति पु¥याएको आरोप लगाएको हो ।
पत्रकार सम्मेलनमा बच्चु मण्डलले स्थानीयबासीसंग छलफल नै नगरी प्रतिशोधको भावना र स्वार्थसिद्धका लागि आफुहरुको निजि सम्पत्ति क्षति पुर्याएको आरोप लगाउनु भयो ।
उहाँले सूचना निकाल्दा सडकको विभागबाट दुबै तर्फको अतिक्रमण हटाउन सूचनामा उल्लेख नगरिदा प्रमुख परविन र प्रबक्ता मण्डलले योजनाबद्व तरिकाले आफुहरुलाई दुख दिएको आरोप लगाउनु भयो ।
उहाँले घरमा भएको कुनै पनि सामान निकाल्न नदिई निर्मम तरीकाले डोजर चलाउंँदा ५० भन्दाबढी घरमा करोडौं क्षति भएको पत्रकार सम्मेलनमा जानकारी दिनु भयो । उहाँले गौरीशंकर साह,इन्द्र नारायण साह, नुर जहा बेगम, सतिशचन्द्र झा,परमेश्वर रौनियार लगायतका दर्जनौं नक्सा पास गरी बनाएको घर समेतमा नगरपालिकाले डोजर चलाएको बताउनु भयो । सडकको विचबाट दुबैतर्फ बराबरी दुरी कायम गरी सडक निर्माणको कार्यलाई अविलम्ब अगाडि बढाउन स्थानीयले पत्रकार सम्मेलन मार्फत माग समेत गर्नु भयो ।
पत्रकार सम्मेलनमा सहभागी कंचनपुर– राजविराज हुलाकी सडक योजनाको निर्माण कम्पनी बज्र गुरुका प्रतिनिधि कुश उपाध्यायले राजविराज नगर क्षेत्र भित्र सिमा विवादको कारण काम गर्न ढिलो भएको बताउनु भयो ।
विवाद रहित क्षेत्रमा सडक निर्माणको काम ७५ प्रतिशत पूरा भइसकेको जानकारी दिनुहुदै उहाँले पम्प नहरदेखी हनुमानमन्दिर सम्मको सडकमा निर्माण कार्यको विवाद समाधान गरी काम गर्ने बाताबरण मिलाई दिन आग्रह गर्नु भयो । उहाँले ५ बर्षदेखि प्रारम्भ गरिएको सडक निर्माण कार्य स्थानीयको अवरोधकै कारण ढिलो भएको सञ्चारकर्मीलाई जानकारी दिनु भयो । उहाँका अनुसार सडक निर्माण कार्यको ठेक्का अवधि आगामी २०८१ फागुन महिनासम्म मात्र रहेको बताउनु भयो ।

प्रकाशित मिति: २०२४-०६-१८ , समय : १९:३०:३६ , 10 months अगाडि