सप्तरीको छिन्नमस्ता गाउपालिकाका अध्यक्ष , उपाध्यक्षसहितले कानुन बिपरित ५ लाख भन्दा बढीकाे माेबाइल किनेकाे खुलासा

मिति: २०२४-०६-१८ , समय : १०:५१:२० , शुभ नारायण यादब

तस्बिर : सामाजिक सन्जालबाट

शुभ नारायण यादब

राजविराज ।
सप्तरीको छिन्नमस्ता गाउँपालिकाका अध्यक्ष , उपाध्यक्ष लगायतका पदाधिकारीहरूले कानुन मिचेर ५ लाख २५ हजार १ रूपैयाँ पाँलिकाकाे खाताबाट झिकेर बदनियत तरिकाले माेबाइल किनेकाे खुलासा भएको छ ।

पालिका अध्यक्ष विद्यान्नद चाैधरी र उपाध्यक्ष राजु देवी यादवले आर्थिक वर्ष २०७९।०८० मा One plus nord २ १२/२५६gb काे मूल्य – ६४१५९ र Samsung galaxy A७९ ८/३५६gb मुल्य ७६००० काे माेबाइल खरिद गरिएकाे महालेखा परिक्षणकाे प्रतिवेदनमा उल्लेख गरिएको छ ।

महालेखा प्रतिवेदनका अनुसार आ.व. २०७९।०८० भन्दा अगाडि २५ थान माेबाइल खरिद भएको र उक्त मोबाईल कसले बुझेको यथार्थ
विवरण पालिकासँग नभएकोले पालिकाले यसको उचित छानबिन गरी बर बुझारत गराउने तथा उक्त मोबाइलको पर्ने मूल्य
सम्बन्धितसँग असुल गर्नुपर्दछ भन्ने उल्लेख गरिएको छ ।
यता आ.व. २०७९।०८० मा मात्र ९ थान नयाँ मोबाईल खरिद गरी पदाधिकारी तथा कर्मचारीहरुलाई उपलब्ध गराएको छ ।

विद्यानन्द चौधरी गाउँपालिका अध्यक्षले One plus nord २ १२/२५६gb मूल्य -६४१५९ , राजु देवी यादव गाउँपालिका उपाध्यक्षले Samsung galaxy A७९ ८/३५६gb मूल्य ७६००० , पिंकी राय पोषण स्वंसेवकले Samsung galaxy मुल्य-४८०००
सूर्यनारायण यादव अध्यक्ष वडा नं.४ का वडाअध्यक्षले One plus nord२ ८/१२८gb मूल्य -४५५७५ , राज किशोर गुप्ता सि.अ.हे.ब.ले One plus nord२ ८/२५६gb मूल्य-४०७०८ , दिपक मेहता सूचना प्रविधि अधिकृतले -One plus nord२ १२/२५६gb मुल्य-६४१५९ ,दिपेन्द्र प्रसाद यादव प्रशासन प्रमुखले Redmi११ pro,८/१२८gb मूल्य -४३७००,अरुण कुमार यादव जिन्सी शाखा प्रमुखले One plus nord२ मूल्य -६३००० र पलिकाकाे लेखा प्रमुख संजय कुमार मेहताले Samsung galaxy, S२१FE ८/२५६gb मूल्य- ७९७०० काे माेबाइल खरिद गरिएको महालेखा प्रतिबेदनमा उल्लेख गरिएको छ ।

यता गाउँपालिकाको पदाधिकारीहरुको सेवा, सुविधा सम्बन्धमा सम्बन्धित प्रदेश सभाले बनाएको कानुन बमोजिम हुने,व्यवस्था रहेको छ । सो अनुसार मधेश प्रदेश सभाले बनाएको ऐन, सुविधा सम्बन्धि कानुनमा गाउँपालिकाका पदाधिकारीहरु तथा कर्मचारीलाई मोबाइल उपलब्ध गराउने व्यवस्था रहेको देखिएन । यता साे सम्बन्धमा गाउपालिकाका अध्यक्षसग सम्पर्क गर्दा उहाँको माेबाइलमा फाेन लागेन ।

प्रकाशित मिति: २०२४-०६-१८ , समय : १०:५१:२० , 10 months अगाडि

यहाँ कमेन्ट गर्नुहोस्
सम्बन्धित