मधेस प्रदेश : अबैध लागुऔषध गाँजा सहित राउत पक्राउ

गामघर डेस्क

सिरहा । मधेस प्रदेशको सिरहाकाे कर्जन्हा नगरपालिका वडा नं. ६ बाट अबैध लागुऔषध गाजा सहित एकजना पक्राउ परेका छन् ।
कर्जन्हा नगरपालिका वडा नं. ६ स्थित रहेको कमला बाँधमा चेकजाँच गर्ने क्रममा धनुषा जिल्ला गणेशमान चारनाथ नगरपालिका वडा नं. २ राधापुर वस्ने वर्ष २१ को राजु राउतलाई गाँजा सहित पक्राउ गरिएको हाे ।
कर्जन्हा नगरपालिका हुदै धनुषा तर्फ जादै गरेको मधेश प्रदेश ०१–००४ प ७०८० नम्बरको स्टुरलाई बेतहाको कमलामाई क्रसर नजिक संका लागि चेकजाँच गर्ने क्रममा २ किला गाजा सहित राउतलाई पक्राउ गरि इलाका प्रहरी कार्यालय मिर्चैयामा राखी अनुसन्धान भइरहेको इलाका प्रहरी कार्यालय मिर्चैयाका प्रमुख जीतेन्द्र वस्नेतले जानकारी दिए ।
यता पक्राउ परेको राउतलाई थप कारवाहीको लागि जिल्ला अदालत सिरहाबाट म्याद थप गरि उक्त घट्ना सम्बन्धमा थप अनुसन्धान भइरहेको बस्नेतले बताए ।

प्रकाशित मिति: २०२४-०६-०१ , समय : १०:१३:१० , ७ महिना अगाडि