सप्तरीको भोडहामा आगलागी हुँदा सात घर जलेर लाखौको क्षती

गामघर डेस्क

राजविराज ।
सप्तरीको कञ्चनरुप नगरपालिका वडा नम्बर १० भोडहामा आगलागी हुँदा सात घर जलेर नष्ट भएको छ । स्थानीय कमेरुद्दिन शेख, भगवनी चौधरी र देवीलाल चौधरीको घरमा सोमबार राती आगलागी भएको हो ।
आगलागीबाट कमेरुद्दीन शेखको एक गोठ घर र एक पाडो, त्यस्तै भगवानीको १ घर र देवीलाल चौधरीको ५ घर सहित आगलागीमा लत्ताकपडा ,फर्निचर, खाद्यान्न लगायत सरसामान जल्दा लाखौंको क्षती भएको प्रहरीले जनाएको छ ।
ईलाका प्रहरी कार्यालय कञ्चनरुपका अनुसार आगलागीबाट भगवानी चौधरीको ४ लाख, देवीलाल चौधरीको १२ लाख र कमेरुद्दिन शेखको २ लाख गरी १८ लाख बराबरको घर सहित सरसामान जलेर क्षति भएको जनाएको छ ।
यता आगो स्थानीयबासि ,नेपाली सेना, कञ्चनरुप नगरपालिकाको वारुण यन्त्र र हनुमाननगर कंकालिनी नगरपालिकाको वारुण यन्त्रले नियन्त्रणमा लिएको प्रहरीले जानकारी दिएको छ । सोमवार राति स्थानीय कमेरुद्दिन शेखको गोठमा बालिएको घुरबाट आगो सल्केर आगलागी भएको प्रहरीले जनाएको छ ।

प्रकाशित मिति: २०२४-०५-२८ , समय : २०:३०:०१ , ७ महिना अगाडि