सप्तरी प्रहरीद्वारा पेस्तोलसहित दुई जना युवकलाइ पक्राउ

गामघर डेस्क

राजविराज । सप्तरीको खडक नगरपालिका वडा न.८ भदियाबाट प्रहरीले पेस्तोलसहित दुई जना युवक पक्राउ गरेको छ । उनिहरुकाे साथबाट पेस्तोल १ थान, सोही पेस्तोलमा लाग्ने गोली २ राउण्ड र म्यागजिन २ थानसहित २ जना युवालाई प्रहरीले पक्राउ गरेको हाे ।

पक्राउ पर्नेहरूमा सप्तरीको सुरूङगा नगरपालिका वडा न.६ श्रीपुर बस्ने ४५ वर्षीय बिशेश्वर प्रसाद साह र काठमाडौं टोखा नगरपालिका-८ बस्ने ४२ वर्षीय बम बहादुर तामाङ रहेका छन् । इलाका प्रहरी कार्यालय कल्याणपुरबाट खटिएको प्रहरीले बोदेबर्साईनबाट बिसनपुरतर्फ जाँदै गरेको स.६ प ५९०८ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई उक्त हतियारसहित फेला पारी पक्राउ गरेको हो ।

यता साे सम्बन्धमा प्रहरीले आवश्यक अनुसन्धान गरिरहेको सप्तरी प्रहरीले जनाएकाे छ ।

प्रकाशित मिति: २०२४-०५-२६ , समय : ११:४७:२३ , 10 months अगाडि