कोशी प्रदेश : इटहरीमा दुर्घटना हुँदा मोटरसाइकलमा आगलागी

गामघर डेस्क

सुनसरी ।
कोशी प्रदेशको सुनसरीको इटहरीस्थित कलंकी चोकमा दुर्घटना हुँदा एक मोटरसाइकलमा आगालागी भएको छ । आगलागीबाट मोटरसाइकल जलेर पूर्ण रुपमा नष्ट भएको इलाका प्रहरी कार्यालय इटहरीले जनाएको छ ।

प्रहरीका अनुसार कलंकी चोकमा पश्चिम तर्फबाट पूर्वतर्फ आउँदै गरेका दुई मोटरसाइकल ठोक्किएका हुन् । कलंकी चोकबाट बसपार्कतर्फ मोडिन लागेको प्रदेश १–०२–०४३ प ६२५३ नं. को पल्सर बाइकलाई पछाडिबाट प्रदेश १–०४–००१ प ८७७६ को मोटरसाइकलले ठक्कर दिएको थियो ।

दुर्घटनापश्चात आगलागी हुँदा पल्सर बाइक जलेर पूर्णरुपमा नष्ट भएको छ भने चालकहरु शकुशल रहेको प्रहरीले जानकारी दिएको छ ।

प्रकाशित मिति: २०२४-०५-२२ , समय : १०:२४:०७ , ७ महिना अगाडि