सप्तरीको राजविराज नगरपालिकाकाे बिषहरियाका सुनिल कुमार यादव मृत फेला

गामघर डेस्क

राजविराज । सप्तरी सदरमुकाम राजविराज नगरपालिका वडा न. १३ मा एक युवक मृत अवस्थामा फेला परेको छ ।

जिल्लाकाे राजविराज नगरपालिका वडा न. १३ स्थित पिप्राही भेल्हीबीचको खाँडो खोलामा एक युवक मृत अवस्थामा फेला परेको प्रहरीले जनाएको छ । मृतक युवक राजविराज नगरपालिका वडा न. १२ बिषहरियाका १९ बर्षीय सुनिल कुमार यादव हुन् ।

यादव साइकलसहित घोप्टो परेर मृत फेला परेको र नाकबाट रगत आएको देखिएको जिल्ला प्रहरी कार्यालय सप्तरीले जनाएको छ ।
यता साे घटना सम्बन्धमा स्थानीयबासिहरुले भने कसैले कुटपिट गर्दा उनको मृत्यु भएको बताएका छन् । मृतक शवलाई पोष्टमार्टमका लागि राजविराज स्थित गजेन्द्रनारायण सिंह अस्पतालमा राखिएको प्रहरीले जनाएको छ ।

यता साे घटना सम्बन्धमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।

प्रकाशित मिति: २०२४-०५-१६ , समय : १२:२९:४२ , ७ महिना अगाडि