मधेस प्रदेश : सहकारीको ८० लाख रुपैयाँ लुट्ने दुई जना युवक पक्राउ
मिति: २०२४-०५-१२ , समय : २२:०३:३० , गामघर डेस्क
तस्बिर : सामाजिक सन्जालबाट
गामघर डेस्क
जनकपुरधाम ।
मधेस प्रदेशको राजधानी जनकपुरबाट सहकारीको ८० लाख रुपैयाँ लुटेको आरोपमा दुई जना युवक पक्राउ परेका छन् । पक्राउ पर्नेमा जनक महतो र श्रवण कापर छन् ।
दुवैजनालाई जनकपुरबाट प्रहरीले पक्राउ गरेको हो । उनीहरुबाट लुटेको मध्ये १४ लाख ५३ हजार बरामद गरेको धनुषा प्रहरीले जनाएको छ ।
गत वैशाख ४ गते धनुषाको सबैला १२ रघुनाथपुरका शुभश्री बचत तथा ऋण सहकारीका कर्मचारी वीरेन्द्रकुमार महतो जनकपुरको हिमालय बैंकबाट ८० लाख रकम निकालेर लगिरहेका थिए ।
मोटरसाइकलमा आएका तीनजना हतियारधारीले जनकपुरधाम १९ थुमौनाबाट पेस्तोल देखाएर ८० लाख लुटेर फरार भएका थिए । घटना विषयमा थप अनुसन्धान जारी रहेको जिल्ला प्रहरी कार्यालय धनुषाले जनाएको छ ।
प्रकाशित मिति: २०२४-०५-१२ , समय : २२:०३:३० , ८ महिना अगाडि
