सप्तरीको तिलाठी कोईलाडी गाउँपालिकाका सुनिल कुमार मण्डल ६ महिनादेखि बेपत्ता

गामघर डेस्क

राजविराज ।
सप्तरीको तिलाठी कोईलाडी गाउँपालिकाबाट सुनिल कुमार मण्डल बेपत्ता भएका छन् । यसरी बेपता हुने विराटनगर उपमहानगरपालिका वडा न.६ का २४ बर्षिय सुनिलकुमार मण्डल ससुराली घर तिलाठी कोईलाडी गाउँपालिका ४ बाट बेपत्ता भएका हुन् ।
सप्तरीको तिलाठी कोईलाडी गाउँपालिका वडा न.४ स्थित ससुराली मंसिर महिनामै घरबाट आएका छोरा ससुरालीबाटै बेपत्ता भएको बुवा जयशंकर मण्डलले सञ्चारकर्मीलाई बताउनुभयो ।
तिलाठी कोईलाडी वडा न.४ का राजाराम मण्डलको ज्वाईं, लिलम मण्डलको श्रीमान ससुराली आएको दिनदेखि बेपत्ता रहेको परिवारजनले जानकारी गराएको छ । ससुराली आएका मण्डल ६ महिनादेखि सम्पर्क विहीन रहेको बुवा जयशंकरले बताउनुभयो ।
अपहरित सुनिलका बुवा जयशंकरका अनुसार छोराको खोजीका लागि प्रशासनिक निकायहरुमा निवेदन दिदा समेत हालसम्म पत्तो नलागेको आरोप लगाउनु भयो । उहाँले छोराको खोजीमा सहयोगका लागि प्रशासन, संचारकर्मीसहित सम्पुर्णलाई अनुरोध गरेको छ ।

प्रकाशित मिति: २०२४-०५-११ , समय : २२:४९:५८ , ७ महिना अगाडि