सप्तरीको चिमटीमा आगलागी हुँदा झन्डै २ सय घर जलेर करोडौंको क्षति , आगलागिले गाउँ नै स्वहा
मिति: २०२४-०४-३० , समय : १७:५६:५६ , गामघर डेस्क
तस्बिर : सामाजिक सन्जालबाट
गामघर डेस्क
राजबिराज । सप्तरीको महदेवा गाउँपालिका वडा न.१ चिमटिमा मंगलबार दिउँसो भिषण आगलागी भएको छ । अचानक भएको आगलागीमा परी दुई सय भन्दा बढी घर जलेर झन्डै करोडौंको क्षति भएकाे स्थानीयहरुले बताएका छन ।
जिल्लाकाे महादेवा गाउँपालिकाकाे वडा नम्बर १ चिम्टी टाेलमा भएको आगलागीबाट ठूलो क्षति भएको हुन सकिने अनुमान सप्तरी प्रहरीले गरेको छ ।
स्थानीय शत्रुधन यादवको घरबाट शुरु भएको आगलागीले गाउँ नै स्वाहा भएको वडा अध्यक्ष जयकिशोर दासले जानकारी दिनुभयो । उहाका अनुसार अागलागिबाट यादव, मुसहर र मुस्लिम समुदायको बसोबास रहेको यो बस्तीका झन्डै २ सय जति घर नस्ट भएकाे जानकारी दिनुभयो ।
आगोलाई नियन्त्रणमा लिने प्रयास भैरहेको छ । सप्तरीको राजविराज, शम्भुनाथ, हनुमाननगर कंकालिानी नगरपालिकाबाट आएको बारूण यन्त्रका साथै प्रहरी र स्थानीय आगो निभाउने काममा जुटेका छन् । यता आगलागिकाे क्षतिकाे विवरण अझै आइनसकेको छ ।
प्रकाशित मिति: २०२४-०४-३० , समय : १७:५६:५६ , ८ महिना अगाडि
