प्रेस सेन्टर नेपालद्वारा स्व.यादवप्रति भावपूर्ण श्रद्धाञ्जली अर्पण

गामघर डेस्क

राजविराज ।
सप्तरीको तिरहुत गाउँपालिका वडा न.५ लोहजारा निवासी प्रेस सेन्टर सप्तरीका अध्यक्ष एवं नेपाल पत्रकार महासंघ शाखा सप्तरीका कार्यसमिति सदस्य दिनानाथ यादवको पिता डम्बरनारायण झखरैत यादवको ७५ वर्षको उमेरमा निधन भएकोमा सातौ दिनको अवसर पारेर भावपूर्ण श्रद्धाञ्जली अर्पण गरिएको छ ।
प्रेस सेन्टर सप्तरीको अध्यक्ष यादवको पिताको निधनमा शुक्रवार एक कार्यक्रम विच प्रेस सेन्टर सप्तरीको वरिष्ट उपाध्यक्ष विन्दु कुमार यादवको नेतृवमा पुगेको पत्रकारहरुको टोलीले भावपूर्ण श्रद्धाञ्जली अर्पण गर्दै दिवंगत आत्माको स्वर्गबासको कामनासहित शोक सन्तप्त परिवारमा धैर्यधारणको कामना गर्नुभयो ।
भावपूर्ण श्रद्धाञ्जली अर्पण शोक सभामा सेन्टरको केन्द्रिय सल्लाहकार तथा प्रेस कान्सिल नेपालको पूर्व सदस्य देवराम यादव,उपाध्यक्ष कमानन्द माझी,समावेशी उपाध्यक्ष मंजु कुमारी यादव,सेन्टरको कोषाध्यक्ष जितेन्द्र गुप्ता लगायतकाहरुको उपस्थित हुनुहुन्थ्यो ।

प्रकाशित मिति: २०२४-०४-२६ , समय : १९:१४:३४ , ९ महिना अगाडि