मधेस प्रदेश :आफ्नै पाँच वर्षिय छोरा हत्या अभियोगमा आमा पक्राउ

गामघर डेस्क

लहान । मधेस प्रदेशको सिरहा प्रहरीले आफ्नै पाँच वर्षिय छोराको हत्या अभियोगमा लहानबाट एक महिलालाई नियन्त्रणमा लिएको छ। सिरहाको सखुवानन्कारकट्टी गाउँपालिका वडा न. ५ घर भई हाल लहान नगरपालिका वडा न. १ बस्दैआएकी ३४ वर्षिया सरीता कुमारी साहलाई पाँच वर्षिय छोरा आयुशको हत्या अभियोगमा प्रहरीले पक्राउ गरेको हो।

मंगलबार बिहान देखि नै आयुश देखा नपरेको भनि स्थानियले प्रहरीलाई जानकारी गराए लगदै इलाका प्रहरी कार्यालय लहानबाट पुगेको प्रहरीले खोजतलासको क्रममा आफै सुत्ने बक्स पलङ्गको घर्राभित्र मृत अवस्थामा आयुश पोको पारी लुकाई राखेको अवस्थमा फेला परेको जिल्ला प्रहरी कार्यालय सिरहाका सूचना अधिकारी डीएसपी मुक्तिनाथ सापकोटाले जानकारी दिए।

अनुसन्धानको क्रममा तत्काल आयुसकी आमा रेखालाई प्रहरीले तत्काल नियन्त्रणमा लिई जिल्ला अदालत सिरहाबाट कर्तव्य ज्यान मुद्दामा सात दिनको म्याद थप गरी अनुसन्धान गरिरहेको प्रहरीले जनाएको छ।

यता प्रहरीले आयुश हत्या कारणबारे केही बताएको छैन।

प्रकाशित मिति: २०२४-०४-२६ , समय : ०२:३२:५३ , ८ महिना अगाडि