मधेस प्रदेश : जलिरहेको अवस्थामा २३ वर्षीया एक युवतीको शव फेला
मिति: २०२४-०४-१८ , समय : १२:२२:३६ , गामघर डेस्क
तस्बिर : सामाजिक सन्जालबाट
गामघर डेस्क
जनकपुरधाम ।
मधेस प्रदेशको धनुषाको जनकपुरमा जलिरहेको अवस्थामा एक युवतीको शव फेला परेको छ । धनुषाको जनकपुरधाम उपमहानगरपालिका १६ पुलचौकमा रेल्वे लिक नजिक पोखरी डिलमा राति २३ वर्षीय युवतीको शव जिलरहको अवस्थामा धनुषा प्रहरीले बरामद भएको हो ।
धनषाका प्रहरी प्रवक्ता डिएसपी रञ्जन अवाका अनुसार पोखरीको डिलमा राति ८ बजेतिर शव जलिरहेको स्थानीयले खबर गरेपछि प्रहरी टोली घटनास्थल पुगेर जलेको शव नियन्त्रणमा लिइएको हो । शव महोत्तरीको मनरासिसा नगरपालिका २ की २३ वर्षीया प्रियंका महतोको रहेको डिएसपी अवाले बताए ।
यता मृतककाे शव पोस्टमार्टमका लागि प्रादेशिक अस्पताल जनकपुरमा राखिएको छ । उनको हत्या गरेर शव जलाएको हुन सक्ने आशंका गरिएको छ । यधपी पोस्टमार्टम रिपोर्ट र अनुसान्धान पश्चात् मात्र केही भन्न सक्ने प्रहरीको भनाइ छ ।
प्रकाशित मिति: २०२४-०४-१८ , समय : १२:२२:३६ , ९ महिना अगाडि
