आगलागीमा परि एकै घरका दुई बालबालिकाको मृत्युु

गामघर डेस्क

उदयपुर । उदयपुरको रौतामाई गाउँपालिका वडा न.–८ मा आगलागीमा परि एकै घरका दुई बालबालिकाको मृत्युु भएको छ ।

रामबहादुर बुर्जा मगरको घरमा आगलागी हुँदा उहाँकी ६ वर्षीया छोरी जस्मिन र छोरा २ वर्षीय रोजनको मृत्युु भएको जिल्ला प्रहरी कार्यालय उदयपुरका प्रहरी नायब उपरीक्षक राकेशकुमार पोदारले जानकारी दिनुभयो । हिजो बेलुका ५ बजेतिर घरमा बिजुली सर्ट भएर घर जलेको हो ।

घरमा रहेका जस्मिन र रोजनको जलेर ज्यान गएको वडासदस्य रुद्रबहादुर लुङ्गेली मगरले बताउनुभयो । साे आगलागीबाट घर तथा लत्ताकपडा गरी १० लाख रुपैयाँ बराबरको क्षति भएको प्रारम्भिक अनुमान गरिएको छ। आगो हिजो बेलुका नै निभाइएको प्रहरीले जनाएको छ ।

प्रकाशित मिति: २०२३-०३-११ , समय : ०७:५७:४७ , २ वर्ष अगाडि