मधेस प्रदेश : अबैध लागुऔषधसहित दुई युवक पक्राउ
मिति: २०२४-०४-०७ , समय : ०६:२२:५५ , गामघर डेस्क
तस्बिर : सामाजिक सन्जालबाट
गामघर डेस्क
लहान ।
मधेस प्रदेशको सिराहाको लहानबाट प्रहरीले ठूलो परिमाणमा प्रतिबन्धित लागुऔषधसहित दुई युवकलाई पक्राउ गरेको छ।
जिल्ला प्रहरी कार्यालय सिराहाका अनुसार सिरहाको लहान नगरपालिका वडा न. १९ का करिब २४ वर्षीय सन्तोषकुमार साह र स्थानीय २५ वर्षीय शिवनाथ महतोलाई लागुऔषधसहित पक्राउ गरिएको हो।
सिरहाको लहान नगरपालिका– ३ मा पर्ने पूर्व–पश्चिम सडकको बस स्ट्यान्डमा अस्पताल चोकतिरबाट आउँदै गरेको प्रदेश २–०१–००१ प ७३८० नम्बरको मोटरसाइकलमा रहेका दुईजनालाई लहान प्रहरी र लागुऔषध नियन्त्रण ब्युरो गोलबजारको संयुक्त टोलीले पक्राउ गरेको हो।
मोटरसाइकल रोकेर दुवैजनालाई खानतलासी गर्दा साहले बोकेको कपडाको झोलामा एक सय ३३ एम्पुल फेनार्गन, एक सय ३५ एम्पुल बुप्रेनोर्फिन र एक सय ३४ एम्पुल डाइजिपाम फेला परेको प्रहरीले जनाएको छ।
यता पक्राउ परेका दुवैलाई लहानस्थित इलाका प्रहरी कार्यालयमा राखेर थप अनुसन्धान भइरहेको छ।
प्रकाशित मिति: २०२४-०४-०७ , समय : ०६:२२:५५ , ८ महिना अगाडि
